Te marrësh kredi apo të presësh sa të krijosh burim financiar nga kursimet apo aktivitete të mëvonshme?
Kjo dilemë bën të mendohen individët dhe sipërmarrësit dhe të kërkojnë zgjidhje në ekosistemin e sipërmarrjes dhe novacionit. Për ketë janë krijuar institucione financiare, plotësues të Bankave që më lehtë mundësojnë individët të bëjnë realitet dëshirat apo plotësojnë nevojat e përditshme.
Dijet dhe eksperiencat ndërkombëtare e kombëtare u sollën në tavolinën e rrumbullakët të zhvilluar nga Akademia e startup-eve të UB-se në ekosistemin sipërmarrës e novator, të ambienteve Co-working space, në datën 7 nëntor 2019.
Studentët e masterit dhe Prof. Dr. Suzana Guxholli, nën eksperiencën e institucionit financiar të mikrokredisë “Kredo Finance”, të sjelle në diskutim nga Drejtorja e përgjithshme e këtij institucioni, debatuan dhe ngritën një sërë argumentesh pasurues në lidhje me instrumentet financiare, mikrokredia në këtë rast dhe përdorimin e tyre jo vetëm në aktivitete sipërmarrëse por dhe në jetën e përditshme, nga individë të shtresave të ndryshme, përfshirë dhe ato në nevojë.