CREATIVE BUSINESS CUP ALBANIA 2019

Creative Business Cup është një nisëm globale për sipërmarrje dhe inovacion. Prej dy vitesh ajo është në Shqipëri nga SHLUJ “Universiteti Marin Barleti”, i cili është Partneri Kombëtar për vendin tonë.

Synimi i CBC është fuqizimi i rinisë sipërmarrëse në industri kreative, krijimi i urave bashkëpunimi midis tyre, investitorëve dhe tregjeve globale

25 start up-e konkurruan në mënyrë fantastike më 13 prill 2019, në mjediset e Oficinës në Tiranë, përpara një jurie prestigjoze. Megjithatë, vetëm njëri prej tyre do të ketë mundësi të përfaqësojë Shqipërinë Copenhagen të Danimarkës. Trinnity Wizz, do të kenë mundësi të trajnohen nga ekspertë ndërkombëtarë dhe të konkurrojnë mes shumë shtetesh më 3 Korrik në Copenhagen.

SHLUJ “Universiteti Marin Barleti” dha gjithashtu një çmim special gjatë këtij konkursi. Pasi vlerësoi të gjithë aplikantët, UMB i dorëzoi një bursë studimi në programet master sipërmarrëses Blerta Feka, e cila nëpërmjet biznesit të saj të Shafranit promovon biznesin lokal dhe punësimin lokal.

I urojmë të gjithë grupeve shumë suksese në bizneset e tyre. Urojmë që ata të mos dorëzohen kurrë nga ëndërrat e tyre dhe të frymëzojnë këdo që i ndjek.creative

FOTO GALERI